જાતની સાથે જરા વાંકું પડ્યું છે,
એક સપનું જ્યારથી પાછું પડ્યું છે;
એક સપનું જ્યારથી પાછું પડ્યું છે;
હું પડ્યો છું એક ખૂણે એ જ રીતે,
જેમ આ ગઈ કાલનું છાપું પડ્યું છે!
જેમ આ ગઈ કાલનું છાપું પડ્યું છે!
'એકલો તું થઈ જવાનો સાવ, જોજે!'
તેં જતી વેળા કહ્યું, સાચું પડ્યું છે;
તેં જતી વેળા કહ્યું, સાચું પડ્યું છે;
એ રફૂ કરવાથી સંધાશે ખરું ને?
આપણાં સંબંધમાં ફાંકું પડ્યું છે!
આપણાં સંબંધમાં ફાંકું પડ્યું છે!
કેટલી વરસ્યા કરે છે એકધારી!
આંખમાં આખું ય ચોમાસું પડ્યું છે?
આંખમાં આખું ય ચોમાસું પડ્યું છે?
લાશ દિકરાની ખભે ઊંચકી જ્યાં એણે,
આજ માથે આભ ત્યાં આખું પડ્યું છે !!
આજ માથે આભ ત્યાં આખું પડ્યું છે !!
: હિમલ પંડ્યા
