એટલું કામ આજે જ કરવાનું છે,
એ ન આવે તો સામેથી મળવાનું છે;
એ ન આવે તો સામેથી મળવાનું છે;
છો ને ખારો હો સાગર, નદીએ છતાં-
જીદ છોડી, જઈ એમાં ભળવાનું છે;
જીદ છોડી, જઈ એમાં ભળવાનું છે;
ખૂબ ઊંચે ચડી ગ્યા એ જોયું અમે;
લ્યો, હવે જાળવીને ઊતરવાનું છે!
લ્યો, હવે જાળવીને ઊતરવાનું છે!
કાંઈ સૂરજ બધાએ થવાનું નથી,
એક દીવો થઈને સળગવાનું છે;
એક દીવો થઈને સળગવાનું છે;
તું કરે એમ થાવાનું હોયે પ્રભુ!
તો અહીં મારે શાને રઝળવાનું છે?
તો અહીં મારે શાને રઝળવાનું છે?
શ્વાસને જાણ કેવી? કે અંદર જઈ,
એક આંટો દઈને નીકળવાનું છે!
એક આંટો દઈને નીકળવાનું છે!
: હિમલ પંડ્યા
No comments:
Post a Comment