સાવ પૂરી, સાવ આખી કોઈને મળતી નથી,
જીંદગી છે, જોઈ-ચાખી કોઈને મળતી નથી;
એને પોતાના ય થોડા અણગમાઓ હોય છ્ે,
એકસરખું હેત રાખી કોઈને મળતી નથી;
કો'ક દિ' એ દોડતી આવે અને ભેટી પડે!
કો'ક દિ' એ દ્વાર વાખી કોઈને મળતી નથી;
વ્યર્થ ઝાંવા નાખવાથી હાથ તારા લાગશે?!
એમ કેવળ હાથ નાખી કોઈને મળતી નથી;
રીસ છે, આ રીસ ઊતરવા સુધી તો રાહ જો!
એકધારી દાઝ રાખી કોઈને મળતી નથી;
તેં વિચારી હોય એનાથી જુદી એ નીકળે;
એટલે ભાવિને ભાખી કોઈને મળતી નથી.
: હિમલ પંડ્યા
No comments:
Post a Comment