આગળ વધી જવાની કોશિશ કરી હતી મેં,
પાછા ફરી જવાની કોશિશ કરી હતી મે;
રસ્તાએ રસ્તા વચ્ચે રોકી લીધો મને કાં?
મંજિલ સુધી જવાની કોશિશ કરી હતી મેં;
એવું થયું પછી, કે મારો ય ના રહ્યો હું!
તારા થઈ જવાની કોશિશ કરી હતી મેં;
ન્હોતો હું કોઈ સપનું, ના આરઝૂ, ન ઈચ્છા,
તો યે ફળી જવાની કોશિશ કરી હતી મેં;
દરિયો અગાધ ઊંડો, ડૂબાડશે એ નક્કી,
જેને તરી જવાની કોશિશ કરી હતી મેં;
એ વાત છે અલગ કે મહેંકી નથી શકાયું!
જાતે બળી જવાની કોશિશ કરી હતી મેં;
પોતીકી ‘પાર્થ’ લાગી પીડા ય એ ઘડીથી,
ખુદથી ખરી જવાની કોશિશ કરી હતી મેં.
: હિમલ પંડ્યા
No comments:
Post a Comment