બસ હવે એક જ રટણ છે, હા મને તું જોઈએ,
હર પ્રહર તારું સ્મરણ છે, હા, મને તું જોઈએ;
હર પ્રહર તારું સ્મરણ છે, હા, મને તું જોઈએ;
ઝંખના મિલનતણી મૃગજળ બનીને વિસ્તરે!
યાદનું વેરાન રણ છે, હા, મને તું જોઈએ;
યાદનું વેરાન રણ છે, હા, મને તું જોઈએ;
આવ મારી પાસ, સદીઓની તરસ છીપી જશે,
પ્રેમનું વહેતું ઝરણ છે, હા, મને તું જોઈએ;
પ્રેમનું વહેતું ઝરણ છે, હા, મને તું જોઈએ;
કૈંક બદલાયું, નવું આવ્યું, જૂનું ભૂંસાયુ પણ-
આટલું સ્થાયી વલણ છે, હા, મને તું જોઈએ;
આટલું સ્થાયી વલણ છે, હા, મને તું જોઈએ;
કો'ક તો મારું હશે ને આ જગતમાં ક્યાંક તો!
ટાળવી આ મૂંઝવણ છે, હા, મને તું જોઈએ;
ટાળવી આ મૂંઝવણ છે, હા, મને તું જોઈએ;
તું ય જાણે છે હૃદયકેરાં હજારો પ્રશ્નનું,
એક બસ નિરાકરણ છે, હા, મને તું જોઈએ.
એક બસ નિરાકરણ છે, હા, મને તું જોઈએ.
: હિમલ પંડ્યા
No comments:
Post a Comment