આંખની સામેથી ઘટના ક્યાં જશે?
ને જશે તો યે આ ડૂમા ક્યાં જશે?
ને જશે તો યે આ ડૂમા ક્યાં જશે?
આંસુઓ આવ્યા છે તો આવવા જ દો!
રોકશો તો એ ય પાછા ક્યાં જશે?
રોકશો તો એ ય પાછા ક્યાં જશે?
હાથ પકડ્યો તો હવે છોડો નહિ!
આપનો આશિક વચમાં ક્યાં જશે?
આપનો આશિક વચમાં ક્યાં જશે?
આંખ ખુલ્લી રાખવાની છે હવે?
અે ય કહી દો કે આ સપના ક્યાં જશે?
અે ય કહી દો કે આ સપના ક્યાં જશે?
આવકારી લઉં ખુશીની રાતને;
છે ફિકર, દિવસો આ વસમા ક્યાં જશે?
છે ફિકર, દિવસો આ વસમા ક્યાં જશે?
સત્ય ખુલ્લું પાડશો? પાડો ભલે;
પણ વિચાર્યું છે કે અફવા ક્યાં જશે?
પણ વિચાર્યું છે કે અફવા ક્યાં જશે?
એ કફન થઈને ય છેલ્લે આવશે!
ટેવ પાડી છે એ પરદા ક્યાં જશે?
ટેવ પાડી છે એ પરદા ક્યાં જશે?
: હિમલ પંડ્યા
No comments:
Post a Comment