એ બધી યે વાતમાં ફાવ્યા કર્યા,
જેમણે ચહેરાં જ બદલાવ્યા કર્યા;
ઝાંઝવા જેવાં સુખો દેખાડીને,
જીંદગી આખી ય હંફાવ્યા કર્યા;
રોજ પિરસાતા રહ્યા માગ્યા વગર,
દર્દ એના એ પછી ભાવ્યા કર્યા;
એમની તસવીર જોઈને સૂતાં,
એમના સપનાં પછી આવ્યા કર્યા;
એક બેહદ કિંમતી પુસ્તક મળ્યું;
આપણે પાનાં જ ઉથલાવ્યા કર્યા!
હું જવાબો શોધવામાં રહી ગયો!
કોઈએ પ્રશ્નો જ ઉલટાવ્યા કર્યા.
: હિમલ પંડ્યા
No comments:
Post a Comment