હવે થાકી-હારીને બેઠો છું અહિયાં,
બધું યે નિહાળીને બેઠો છું અહિયાં;
અમસ્તો જ આવીને બેઠો છું અહિયાં;
વિવાદોને ટાળીને બેઠો છું અહિયાં;
ઘણું યે ભૂલાવીને બેઠો છું અહિયાં,
ઘણું યાદ રાખીને બેઠો છું અહિયાં;
સિકંદર થવા નીકળ્યા'તા તમે, લ્યો-
હું તમને જીતાડીને બેઠો છું અહિયાં;
હતાં, આવરણ કૈંક રાખ્યા હતા પણ-
ઉતારી, ફગાવીને બેઠો છું અહિયાં;
અલખ એ ધણી છે, ચલમ શબ્દની છે;
હું ધૂણી ધખાવીને બેઠો છું અહિયાં.
: હિમલ પંડ્યા
No comments:
Post a Comment