હાથ જે લાગી ગયું એ શું હતું?
હાથથી સરકી રહ્યું એ શું હતું?
સ્હેજ શરમાયા પછી હળવેકથી
*કાનમાં એણે કહ્યું એ શું હતું?
વાતમાંથી વાત તો નીકળી ઘણી
તોય જે મનમાં રહ્યું એ શું હતું?
એક પણ અક્ષર ઉકેલાયો નહીં
પત્રમાંહે મોકલ્યું એ શું હતું?
આંસુઓના પૂરને ખાળ્યા પછી
પાંપણેથી જે વહ્યું એ શું હતું?
ક્યાં હતી નબળી કદીયે ગ્રહદશા?
તોય આપણને નડ્યું એ શું હતું?
"પાર્થ" સઘળું ખોઈને બેઠા પછી
આખરી ક્ષણમાં જડ્યું એ શું હતું?
: હિમલ પંડ્યા "પાર્થ"
*તરહી મિસરો : કવિશ્રી રાજ લખતરવી
No comments:
Post a Comment