ક્યાંક જોવા મળે નાચતી, કૂદતી,
તો વળી ક્યાંક એ ભાંગતી, તૂટતી.
ક્યાંક બીડાઈ જાતી કોઈ આંખમાં,
ક્યાંક એ કોઈની આંખમાં ખૂલતી.
કોઈની જિંદગીમાં ખૂટે શ્વાસ તો,
કોઈના શ્વાસમાં જિંદગી ખૂટતી.
સુખ સાથે જ એ દુ:ખને ઘૂંટતી,
સ્મિત આપી જતી, આંસુઓ ચૂંટતી.
એ તમાચો જડે ગાલ પર ને પછી,
હાથ માથા ઉપર હેતથી મૂકતી.
માનતો હોય તું કે ફૂંકી મારીએ,
સાવ બિન્દાસ થઈ એ તને ફૂંકતી.
: હિમલ પંડ્યા
No comments:
Post a Comment