જેમ ઘૂઘવતો દરિયો જુએ વાટ નદીની એમ
ચાલ ને કરીએ પ્રેમ!
આંખોને હરખાઈ જવાનું કારણ કોઈ દઈએ,
સદીઓના એકાંતને આજે મારણ કોઈ દઈએ,
અંધારા ખૂણે અજવાળું પાથરે સૂરજ જેમ
ચાલને કરીએ પ્રેમ!
સાથ આપણો દેશે મબલખ યાદોની સોગાતો,
આરંભાશે એમ પછી તો અંત વગરની વાતો,
હૈયામાંથી જાણે પ્રકટે સઘળું હેમ જ હેમ
ચાલને કરીએ પ્રેમ!
જેમ ઘૂઘવતો દરિયો જુએ વાટ નદીની એમ
ચાલ ને કરીએ પ્રેમ!
: હિમલ પંડ્યા
No comments:
Post a Comment