અહીંની ઓફરોમાં એવું એક્સચેન્જ મળે!

તમે જરાક પ્રેમ આપો ને રિવેન્જ મળે.

તૂટીને ચાહવું, રિસાવું અને દૂર જવું,
તમારી લાગણીમાં કેટલી યે રેન્જ મળે!

ક્ષણો અપેક્ષા મુજબની કદી મળી છે ક્યાં?
હંમેશા એવું બને કે કશુંક સ્ટ્રેન્જ મળે!

અમે ક્યાં તારી કને કાંઈ બીજું માંગ્યું છે?
બદલ ને સ્હેજ આ દુનિયા! તને ય ચેન્જ મળે.

જિંદગી સાથેનો મુકાબલો નોકઆઉટ હો,
કદીક મોતને આવી કોઈ ચેલેન્જ મળે.

: હિમલ પંડ્યા