એવું મજાનું જીવન જીવીને હું જવાનો!
સઘળા દિલોને જોજો, જીતીને હું જવાનો!
સઘળા દિલોને જોજો, જીતીને હું જવાનો!
અઘરાં ભલે ને લાગે, સઘળાં આ દાખલાઓ;
સૌ પાઠ જીન્દગીના શીખીને હું જવાનો!
મેં આદરેલા કામો રહેશે નહિ અધૂરાં;
કંઇ કેટલું તમોને ચિંધીને હું જવાનો!
કંઇ કેટલું તમોને ચિંધીને હું જવાનો!
વિખરાઈને પડ્યા છે, ગૂંચો વળે એ પ્હેલા,
શ્વાસોની ફીરકીને વીંટીને હું જવાનો!
રસ્તો બતાવનારો ખુદ સારથિ બન્યો છે;
લ્યો, આંખ માછલીની વિંધીને હું જવાનો!
: હિમલ પંડ્યા
No comments:
Post a Comment