જે કહેવું છે એ કહી શકાતું નથી,
અને મૌન પણ રહી શકાતું નથી;
અહીં એક પળ પણ જીવાતું નથી,
અહીંથી કશે જઈ શકાતું નથી;
આ સપનું જે અહીયાં તો ફળતું નથી,
અે બીજાને પણ દઈ શકાતું નથી;
સમય તો યુગોથી થીજીને ઊભો!
અમારાથી કાં વહી શકાતું નથી?
વિવાદો ટળે એથી બસ, ચૂપ છું,
છતાં આળ આ લઈ શકાતું નથી;
દે મુશ્કેલીઓ, હાથ માથે ન રાખ!
તને એમ છે સહી શકાતું નથી?!
લખી જાય ફાળામાં શ્વાસો બધા!
પછી આવજે - કહી શકાતું નથી.
: હિમલ પંડ્યા
No comments:
Post a Comment