પ્રણયકેરું કો' બીજ વાવી ગયા છો,
હૃદયમાંની જગ્યા પચાવી ગયા છો;
નથી એમ આસાન જાવું કશે પણ,
હવે સ્વપ્નમાં મારા આવી ગયા છો;
ભરોસો છે કે છેક પહોંચી જવાશે,
મને એક રસ્તો બતાવી ગયા છો;
જમાનાની ચર્ચા જ ખોટી છે, છોડો!
તમે એની વાતોમાં આવી ગયા છો;
સતત એમ લાગે કે અવસર હો જાણે,
આ જીવનને એવું સજાવી ગયા છો;
મળ્યો છું તમોને તો મહેંકી ઊઠ્યો છું,
તમે પણ સ્વીકારો કે ફાવી ગયા છો!
: હિમલ પંડ્યા
No comments:
Post a Comment