ક્યાંક જોવા મળે નાચતી, કૂદતી,
તો વળી ક્યાંક એ ભાંગતી, તૂટતી;
ક્યાંક બીડાઈ જાતી કોઈ આંખમાં,
ક્યાંક એ કોઈની આંખમાં ખૂલતી;
કોઈની જીંદગીમાં ખૂટે શ્વાસ તો,
કોઈના શ્વાસમાં જીંદગી ખૂટતી;
સુખ સાથે જ એ દુ:ખને ઘૂંટતી;
સ્મિત આપી જતી, આંસુઓ ચૂંટતી;
એ તમાચો જડે ગાલ પર ને પછી,
હાથ માથા ઉપર હેતથી મૂકતી;
માનતો હોય તું કે ફૂંકી મારીએ,
સાવ બિન્દાસ થઈ અે તને ફૂંકતી;
: હિમલ પંડ્યા
No comments:
Post a Comment