ચહેરો બેનકાબ લઈ આવો,
કે છલકતું શબાબ લઈ આવો;
કે છલકતું શબાબ લઈ આવો;
..
આખું આકાશ છે હથેળીમાં,
રુપનો આફતાબ લઈ આવો;
રુપનો આફતાબ લઈ આવો;
..
જીન્દગીની કથા લખી લઈએ,
એક કોરી કિતાબ લઈ આવો;
એક કોરી કિતાબ લઈ આવો;
..
જોઈએ, ખોટ કોણે ખાધી છે?
લાગણીનો હિસાબ લઈ આવો;
લાગણીનો હિસાબ લઈ આવો;
..
માણવો છે ફરી નશો એવો,
એ જ જૂનો શરાબ લઈ આવો;
એ જ જૂનો શરાબ લઈ આવો;
..
વાત મેં તો પૂરી કરી લીધી,
એમનો પણ જવાબ લઈ આવો;
એમનો પણ જવાબ લઈ આવો;
..
જે હતો “પાર્થ”ની ગઝલમાંહે;
એ ફરીથી રુઆબ લઈ આવો.
એ ફરીથી રુઆબ લઈ આવો.
..
: હિમલ પંડ્યા "પાર્થ"
No comments:
Post a Comment