આપવી જો હોય, કુરબાની અહમની આપીએ,
ચાલ, આ અળવિતરી ઈચ્છાની ગરદન કાપીએ!
એ રીતે પણ થઈ શકે સાચી ઊજવણી ઈદની,
એ જ મૂંગા જીવને હૈયાસરીસું ચાંપીએ.
કોઈ કત્લેઆમ લઈ જાતી નથી જન્નત સુધી,
શક્ય જ્યાં જ્યાં હોય ત્યાં થોડીક સમજણ સ્થાપીએ;
આપણે પોતે ખુદા, ખુદ આપણે ઈશ્વર અહીં,
પ્રેમ થઈને આજ ચારે કોર કેવળ વ્યાપીએ;
આખરે સઘળો વિષય શ્રધ્ધાતણો છે દોસ્ત આ!
નામ અલ્લાનું ય લઈએ, રામનું પણ જાપીએ;
આઈનો સામે ધરીને પૂછીએ તું કોણ છે?
જાતને એવી રીતે ચાલો ને ક્યારેક માપીએ.
: હિમલ પંડ્યા
૧૩-૯-૨૦૧૬, ઈદ-ઉલ-જુહા
ચાલ, આ અળવિતરી ઈચ્છાની ગરદન કાપીએ!
એ રીતે પણ થઈ શકે સાચી ઊજવણી ઈદની,
એ જ મૂંગા જીવને હૈયાસરીસું ચાંપીએ.
કોઈ કત્લેઆમ લઈ જાતી નથી જન્નત સુધી,
શક્ય જ્યાં જ્યાં હોય ત્યાં થોડીક સમજણ સ્થાપીએ;
આપણે પોતે ખુદા, ખુદ આપણે ઈશ્વર અહીં,
પ્રેમ થઈને આજ ચારે કોર કેવળ વ્યાપીએ;
આખરે સઘળો વિષય શ્રધ્ધાતણો છે દોસ્ત આ!
નામ અલ્લાનું ય લઈએ, રામનું પણ જાપીએ;
આઈનો સામે ધરીને પૂછીએ તું કોણ છે?
જાતને એવી રીતે ચાલો ને ક્યારેક માપીએ.
: હિમલ પંડ્યા
૧૩-૯-૨૦૧૬, ઈદ-ઉલ-જુહા
No comments:
Post a Comment