આંખમાં ખટકી રહેલું એક કણું છે દોસતો!
ચોળવાથી દર્દ આ વધ્યું ઘણું છે દોસતો!
પાક એ કહેવાય છે કૃત્યોથી જે નાપાક છે;
જો નર્યા આતંકથી અે દૂઝણું છે દોસતો!
બસ જવાબો આજ જડબાતોડ અેને આપીએ;
જોઈએ છે એને એ ઘર આપણું છે દોસતો!
એક હિન્દોસ્તાન છે,સચવાયેલું તોફાન છે;
લાગવું ના જોઈએ કે વામણું છે દોસતો!
દોસ્તીની શાલ ઓઢાડ્યા કરી વરસો સુધી;
લ્યો હવે ઓઢાડવાને ખાંપણું છે દોસતો!
આવજો દેખાડવાના આંસુઓ લઈને તમે!
ક્રૂર પાડોશીનું અંતે બેસણું છે દોસતો!
: હિમલ પંડ્યા
No comments:
Post a Comment