એવાં અવસર હવે આંગણે ક્યાં હતા?
હું હતો, તું હતી, આપણે ક્યાં હતા?
તો ય પીડાઓ સાગમટે આવી ગઈ,
તોરણો આમ તો બારણે ક્યાં હતા?
એટલે સૌ વ્યથાઓ અજાણી રહી;
આંસુઓ આપણી પાંપણે ક્યાં હતા?
આજ આવે છે જેઓ અહીં દોડીને,
પૂછ એને ખરે ટાંકણે ક્યાં હતા?
માંડ સૂતો છું, છંછેડશો ના હવે;
જીવતો હું હતો એ ક્ષણે ક્યાં હતા?
: હિમલ પંડ્યા
હું હતો, તું હતી, આપણે ક્યાં હતા?
તો ય પીડાઓ સાગમટે આવી ગઈ,
તોરણો આમ તો બારણે ક્યાં હતા?
એટલે સૌ વ્યથાઓ અજાણી રહી;
આંસુઓ આપણી પાંપણે ક્યાં હતા?
આજ આવે છે જેઓ અહીં દોડીને,
પૂછ એને ખરે ટાંકણે ક્યાં હતા?
માંડ સૂતો છું, છંછેડશો ના હવે;
જીવતો હું હતો એ ક્ષણે ક્યાં હતા?
: હિમલ પંડ્યા
No comments:
Post a Comment