ભીતરી રાવણને ચાલો બાળીએ,
એ રીતે હોવાપણું અજવાળીએ;
સહુ વિચારોને ફરીથી ગાળીએ,
જે નથી અપનાવવું એ ખાળીએ;
જીત હો કે હાર, બન્ને વ્યર્થ છે,
જાત સામેની લડતને ટાળીએ;
પ્રેમથી ચાખીને ઉત્તમ આપીએ,
કૈક લીધું છે તો પાછું વાળીએ;
સત્યના પક્ષે જ અંતે ધર્મ છે,
એ નિયમને આપણે પણ પાળીએ;
શોધ, અંદર ક્યાંક એ બેઠો હશે!
ક્યાં બીજે ભગવાન સાચો ભાળીએ?
: હિમલ પંડ્યા
એ રીતે હોવાપણું અજવાળીએ;
સહુ વિચારોને ફરીથી ગાળીએ,
જે નથી અપનાવવું એ ખાળીએ;
જીત હો કે હાર, બન્ને વ્યર્થ છે,
જાત સામેની લડતને ટાળીએ;
પ્રેમથી ચાખીને ઉત્તમ આપીએ,
કૈક લીધું છે તો પાછું વાળીએ;
સત્યના પક્ષે જ અંતે ધર્મ છે,
એ નિયમને આપણે પણ પાળીએ;
શોધ, અંદર ક્યાંક એ બેઠો હશે!
ક્યાં બીજે ભગવાન સાચો ભાળીએ?
: હિમલ પંડ્યા
No comments:
Post a Comment