આ ઉદાસીની ક્ષણો લંબાઈ ગઈ છે;
ને સમયની ચાલ પણ બદલાઈ ગઈ છે;
હું ખુશીને શોધવા બેઠો પરંતુ,
આડે હાથે ક્યાંક એ મૂકાઈ ગઈ છે;
શું થયું? ને શું થશે? ની લ્હાયમાં બસ,
સાવ જાણે કે મતિ મુંજાઈ ગઈ છે;
જોઉં રઘવાયો થઈ હું રાહ એની!
જિંદગી જાણે કશે અટવાઈ ગઈ છે;
આ બધી તકલીફો, પીડાઓ, વ્યથાઓ,
તારા હોવાથી ફરી સચવાઈ ગઈ છે;
તું મળી, જાણે મળ્યું પાનું હુકમનું,
"પાર્થ" લ્યો, બાજી ફરી પલટાઈ ગઈ છે.
: હિમલ પંડ્યા
૨૭-૭-૨૦૧૬
ને સમયની ચાલ પણ બદલાઈ ગઈ છે;
હું ખુશીને શોધવા બેઠો પરંતુ,
આડે હાથે ક્યાંક એ મૂકાઈ ગઈ છે;
શું થયું? ને શું થશે? ની લ્હાયમાં બસ,
સાવ જાણે કે મતિ મુંજાઈ ગઈ છે;
જોઉં રઘવાયો થઈ હું રાહ એની!
જિંદગી જાણે કશે અટવાઈ ગઈ છે;
આ બધી તકલીફો, પીડાઓ, વ્યથાઓ,
તારા હોવાથી ફરી સચવાઈ ગઈ છે;
તું મળી, જાણે મળ્યું પાનું હુકમનું,
"પાર્થ" લ્યો, બાજી ફરી પલટાઈ ગઈ છે.
: હિમલ પંડ્યા
૨૭-૭-૨૦૧૬
No comments:
Post a Comment