જાવું છે ક્યાં તમારે અહીંયા બધું મૂકીને?
આખું ય પડ અચાનક આ જાગતું મૂકીને!
રહેવાની ટેવ પાડો, ગમશે બધું પછીથી;
કોઈ ન ખાટવાનું, આ જે મળ્યું મૂકીને!
ઈચ્છાની એક બારી અધખુલ્લી રહી ગઈ છે,
વાછટ મજાની માણો, મોં વામણું મૂકીને!
સામે જે બાળકોને હસતા તમે જુઓ છો,
ત્યાં જીંદગી મળે છે, આ આયખું મૂકીને!
આ મારું, આ તમારું, એવા હિસાબ છોડી,
બસ એક વાર જોજો ત્યાં આપણું મૂકીને!
આપે પસંદગીની ઈશ્વર જો તક ફરીથી,
ખોયું જ વ્હાલું કરશો, આ ખાંપણું મૂકીને!
: હિમલ પંડ્યા
૨૦-૮-૨૦૧૬
આખું ય પડ અચાનક આ જાગતું મૂકીને!
રહેવાની ટેવ પાડો, ગમશે બધું પછીથી;
કોઈ ન ખાટવાનું, આ જે મળ્યું મૂકીને!
ઈચ્છાની એક બારી અધખુલ્લી રહી ગઈ છે,
વાછટ મજાની માણો, મોં વામણું મૂકીને!
સામે જે બાળકોને હસતા તમે જુઓ છો,
ત્યાં જીંદગી મળે છે, આ આયખું મૂકીને!
આ મારું, આ તમારું, એવા હિસાબ છોડી,
બસ એક વાર જોજો ત્યાં આપણું મૂકીને!
આપે પસંદગીની ઈશ્વર જો તક ફરીથી,
ખોયું જ વ્હાલું કરશો, આ ખાંપણું મૂકીને!
: હિમલ પંડ્યા
૨૦-૮-૨૦૧૬
No comments:
Post a Comment