જે થતું હો એ થવા દે ને ભલા માણસ!
મૂક ને પડતું, જવા દે ને ભલા માણસ!
ચોપડી શું કામ પીડાની છુપાવે છે?
એક પાનું વાંચવા દે ને ભલા માણસ!
કાંઈ સાંભળવું નથી, કહેવું નથી આજે,
બે ઘડી તો બેસવા દે ને ભલા માણસ!
એટલો હક આપ તું અંગત ગણી અમને,
સાથ આંસુ સારવા દે ને ભલા માણસ!
લોક છો ને ધારતા તારા વિશે જે પણ;
તું ય એને ધારવા દે ને ભલા માણસ!
લે સમય આવ્યો લઈ તોરણ ખુશાલીનું,
આંગણું શણગારવા દે ને ભલા માણસ!
: હિમલ પંડ્યા
૩૦-૭-૨૦૧૬
મૂક ને પડતું, જવા દે ને ભલા માણસ!
ચોપડી શું કામ પીડાની છુપાવે છે?
એક પાનું વાંચવા દે ને ભલા માણસ!
કાંઈ સાંભળવું નથી, કહેવું નથી આજે,
બે ઘડી તો બેસવા દે ને ભલા માણસ!
એટલો હક આપ તું અંગત ગણી અમને,
સાથ આંસુ સારવા દે ને ભલા માણસ!
લોક છો ને ધારતા તારા વિશે જે પણ;
તું ય એને ધારવા દે ને ભલા માણસ!
લે સમય આવ્યો લઈ તોરણ ખુશાલીનું,
આંગણું શણગારવા દે ને ભલા માણસ!
: હિમલ પંડ્યા
૩૦-૭-૨૦૧૬
No comments:
Post a Comment