તરહી રચના :
શક્ય છે કે આખરે એવું બને!
ધારણા ખોટી ઠરે એવું બને!*
ભૂલવામાં જેમને સદીઓ વીતે,
એ જ પળમાં સાંભરે એવું બને!
આપણો સંબંધ જર્જર થઈ રહ્યો;
પોપડું એથી ખરે એવું બને!
રોજ ખુલાસો તમે કરતા રહો;
રોજ શંકા પાંગરે એવું બને!
'રામ' લખીએ, પણ ન શ્રધ્ધા હોય તો,
પત્થરો ના પણ તરે એવું બને!
ભેદ ભીતરના બતાવે આઈનો;
જાતથી માણસ ડરે એવું બને!
શબ્દ આજે શાંત છો ને લાગતો;
એ અચાનક વિફરે એવું બને!
: હિમલ પંડ્યા
૧૬-૮-૨૦૧૬
શક્ય છે કે આખરે એવું બને!
ધારણા ખોટી ઠરે એવું બને!*
ભૂલવામાં જેમને સદીઓ વીતે,
એ જ પળમાં સાંભરે એવું બને!
આપણો સંબંધ જર્જર થઈ રહ્યો;
પોપડું એથી ખરે એવું બને!
રોજ ખુલાસો તમે કરતા રહો;
રોજ શંકા પાંગરે એવું બને!
'રામ' લખીએ, પણ ન શ્રધ્ધા હોય તો,
પત્થરો ના પણ તરે એવું બને!
ભેદ ભીતરના બતાવે આઈનો;
જાતથી માણસ ડરે એવું બને!
શબ્દ આજે શાંત છો ને લાગતો;
એ અચાનક વિફરે એવું બને!
: હિમલ પંડ્યા
૧૬-૮-૨૦૧૬
No comments:
Post a Comment