ક્યાં જવું'તું ને એ ક્યાં સુધી ગયું!
દિલ ફરીથી એકડો ઘૂંટી ગયું!
કોઈ આવી આંસુઓ લૂછી ગયું!
સાચવીને ઘર સુધી મૂકી ગયું!
સાંજના ઈચ્છાને અહીં રોપી હતી;
એક સપનું રાતમાં ઊગી ગયું!
એ કહીને આવજો નીકળી ગયાં!
આ હૃદય ધબકાર પણ ચૂકી ગયું!
દૂર રહેવાથી થયો આ ફાયદો?
એમનું વળગણ હતું, છૂટી ગયું!
પિંજરામાં ક્યાં સુધી રાખી શકો?
શ્વાસનું પંખી હતું, ઊડી ગયું!
: હિમલ પંડ્યા
૨૬-૮-૧૬
દિલ ફરીથી એકડો ઘૂંટી ગયું!
કોઈ આવી આંસુઓ લૂછી ગયું!
સાચવીને ઘર સુધી મૂકી ગયું!
સાંજના ઈચ્છાને અહીં રોપી હતી;
એક સપનું રાતમાં ઊગી ગયું!
એ કહીને આવજો નીકળી ગયાં!
આ હૃદય ધબકાર પણ ચૂકી ગયું!
દૂર રહેવાથી થયો આ ફાયદો?
એમનું વળગણ હતું, છૂટી ગયું!
પિંજરામાં ક્યાં સુધી રાખી શકો?
શ્વાસનું પંખી હતું, ઊડી ગયું!
: હિમલ પંડ્યા
૨૬-૮-૧૬
No comments:
Post a Comment