આંખ સૂકાતી રહી કે હું? ખબર પડતી નથી,*
આખરે આ થઈ રહ્યું છે શું? ખબર પડતી નથી;
શક્યતાનો એક દરિયો ને સમયની આંધીઓ!
કઈ રીતે આખી સફર ખેડું? ખબર પડતી નથી;
એક સપનું રાતમાં આવી અને સરકી ગયું!
તો પછી સામે હતું એ શું? ખબર પડતી નથી;
પીઠ પરથી રેત ખંખેરી નથી ખિસકોલીએ,
તો ય બંધાઈ ગયો સેતુ! ખબર પડતી નથી;
હાથ કોઈ ઈશ્વરી નક્કી હશે એમાં કશે,
કોણ જાણે ક્યો હશે હેતુ? ખબર પડતી નથી;
શબ્દ આ લઈને ગઝલનો દેહ લ્યો, આવી ચડ્યો!
પગ પખાળું? લાપસી મેલું? ખબર પડતી નથી.
: હિમલ પંડ્યા
* તરહી મિસરો : કવિ મનોજ ખંડેરિયા
આખરે આ થઈ રહ્યું છે શું? ખબર પડતી નથી;
શક્યતાનો એક દરિયો ને સમયની આંધીઓ!
કઈ રીતે આખી સફર ખેડું? ખબર પડતી નથી;
એક સપનું રાતમાં આવી અને સરકી ગયું!
તો પછી સામે હતું એ શું? ખબર પડતી નથી;
પીઠ પરથી રેત ખંખેરી નથી ખિસકોલીએ,
તો ય બંધાઈ ગયો સેતુ! ખબર પડતી નથી;
હાથ કોઈ ઈશ્વરી નક્કી હશે એમાં કશે,
કોણ જાણે ક્યો હશે હેતુ? ખબર પડતી નથી;
શબ્દ આ લઈને ગઝલનો દેહ લ્યો, આવી ચડ્યો!
પગ પખાળું? લાપસી મેલું? ખબર પડતી નથી.
: હિમલ પંડ્યા
* તરહી મિસરો : કવિ મનોજ ખંડેરિયા
No comments:
Post a Comment