ભીતરે અંકાય એવું લખ હવે,
લાગણી વંચાય એવું લખ હવે;
લાગણી વંચાય એવું લખ હવે;
શબ્દમાં ઘેરી અસર હોવી ઘટે,
પાંપણો ભીંજાય એવું લખ હવે;
પાંપણો ભીંજાય એવું લખ હવે;
નફરતોની આ નદી પર પ્રેમના-
સેતુઓ સર્જાય એવું લખ હવે;
સેતુઓ સર્જાય એવું લખ હવે;
કોઈ એને સાંભળી ઝૂમી ઊઠે,
કોઈ એને ગાય, એવું લખ હવે;
કોઈ એને ગાય, એવું લખ હવે;
નામ તારું આપમેળે થઇ જશે,
પાંચમાં પૂછાય એવું લખ હવે;
પાંચમાં પૂછાય એવું લખ હવે;
હો નવી પેઢીનો તું શાયર ભલે;
વારસો સચવાય એવું લખ હવે;
વારસો સચવાય એવું લખ હવે;
હિમલ પંડ્યા
No comments:
Post a Comment