કણેકણમાં પ્રસરતી ચેતનાની વાત કરવી છે,
નસેનસમાં વિહરતી વેદનાની વાત કરવી છે;
નસેનસમાં વિહરતી વેદનાની વાત કરવી છે;
પળેપળ રાહમાં તારી અમે આંખો બિછાવી છે,
તને મળવા તરસતી ઝંખનાની વાત કરવી છે;
તને મળવા તરસતી ઝંખનાની વાત કરવી છે;
મળી છે ઠોકરો સઘળી દિશાએથી સદા મુજને,
કોઈ જો સાંભળે, અવહેલનાની વાત કરવી છે;
કોઈ જો સાંભળે, અવહેલનાની વાત કરવી છે;
જમાનાના રિવાજો, બંધનો, મજબૂરીઓ વચ્ચે,
હ્રદયની લાગણી, સંવેદનાની વાત કરવી છે;
હ્રદયની લાગણી, સંવેદનાની વાત કરવી છે;
પડ્યાં છે કેટલા શમણાં હજુ યે આંખની અંદર,
હકીકત છોડ, આજે કલ્પનાની વાત કરવી છે;
હકીકત છોડ, આજે કલ્પનાની વાત કરવી છે;
ઘણું યે પામવાનું જીંદગીમાં ‘પાર્થ’ બાકી છે,
અધુરી છે બધી એ ખેવનાની વાત કરવી છે.
: હિમલ પંડ્યા 'પાર્થ'
No comments:
Post a Comment