ભૂલી જાવાથી ભૂલી જાવ એવું થાય છે થોડું?
સ્મરણ સાથે કદીયે સાવ એવું થાય છે થોડું?

ભલે મરહમ પીડાનો લઈને ઊભા સેંકડો લોકો!
કદી રૂઝાય તારો ઘાવ, એવું થાય છે થોડું? 

અહીં સુખ નામની દિલ્લી ઘણીયે દૂર છે, માન્યું!
છતાં પહોંચી શકો ગુડગાંવ એવું થાય છે થોડું?

મૂકો ક્યારેક આંસુને ય આ આંખોના શો-કેસમાં,
મળે તમને બધે સરપાવ એવું થાય છે થોડું?

જવાનું હોય મન એની કને, સઘળું ય છોડીને-
અને એ પણ કહી દે ‘આવ’ એવું થાય છે થોડું?

: હિમલ પંડ્યા