આપદાનો એક મોટો ફાયદો એ થાય છે,
કોણ સાથે, કોણ સામે છે? - બધું સમજાય છે;
બે જ ડગલાં મોત આઘું હોય ને એવી ક્ષણે,
જિદગીનું મૂલ્ય સાચોસાચ શું? પરખાય છે;
ખોખલા સહુ વળગણો રસ્તે મૂકી આગળ વધો!
જે જવાનું હોય, અંતે હાથથી એ જાય છે;
લાગણી સીંચી ઉછેર્યા હોય જે સંબંધને,
એ જ બાવળ જેમ આખર ચોતરફ ફેલાય છે;
ભૂલવા ધારો બધું ને છેવટે ભૂલી શકો!
એટલું સહેલાઈથી ક્યાં આ બધું ભૂલાય છે?
શબ્દકેરો સાથ આ કાયમ રહ્યો, સારું થયું!
"પાર્થ" એનાથી પીડાને સાચવી લેવાય છે.
: હિમલ પંડ્યા "પાર્થ"
No comments:
Post a Comment