ખૂબ મોડેથી જીવનનું સત્ય આ સમજાય છે,
આખરે તો જે થવાનું હોય છે એ થાય છે;
એમનું દિલ એમને આપી દીધું પાછું અમે,
આપણાથી આપણું હો એ ય ક્યાં સચવાય છે?!
રોજ વહેવાની પ્રથા સામે હવે બળવો કરી,
આંસુઓ પાછા જઈને આંખમાં સંતાય છે.
શાયરીનો એટલો ઉપકાર છે મારા ઉપર,
એ બહાને વાત થોડી આપણી થઈ જાય છે!
આ સમયના સ્કૂલ તમને જીવતા શીખવે, છતાં-
જીવવાનું થાય છે ત્યાં તો જવાનું થાય છે.
: હિમલ પંડ્યા
No comments:
Post a Comment