આંગળી આપો તો પોંચો ઝાલશે,
મારશો ડફણાં તો સીધી હાલશે;
મારશો ડફણાં તો સીધી હાલશે;
ઓળખી લીધી છે દુનિયાને અમે,
ઝખ્મ દેશે ને પછી પંપાળશે;
ઝખ્મ દેશે ને પછી પંપાળશે;
જોઇને અહી એકની માઠી દશા,
જો, બીજાઓ ફૂલશે ને ફાલશે;
જો, બીજાઓ ફૂલશે ને ફાલશે;
બેવફાઈ હોય જો અંજામ તો,
કોણ દિલમાં પ્રેમની ઘો ઘાલશે?
કોણ દિલમાં પ્રેમની ઘો ઘાલશે?
કોઈ મારગ ચીન્ધનારું ક્યાં રહ્યું?
બસ, હવે જઈશું કદમ જ્યાં ચાલશે;
બસ, હવે જઈશું કદમ જ્યાં ચાલશે;
સૌ ફરે છે એકલા આ શહેરમાં,
ક્યાં સુધી કોઈ હાથ તારો ઝાલશે?
ક્યાં સુધી કોઈ હાથ તારો ઝાલશે?
‘પાર્થ’ જે સાથે રહયાં’તા બે ઘડી;
ખોટ એની જિંદગીભર સાલશે.
ખોટ એની જિંદગીભર સાલશે.
- હિમલ પંડ્યા 'પાર્થ'
No comments:
Post a Comment