જિંદગીને શોધતાં થાકે ચરણ,
રોજ પાછળ દોડતું આવે મરણ!
રોજ પાછળ દોડતું આવે મરણ!
એક દિ' એ શ્વાસને ભરખી જશે;
ક્યાં સુધી દેતો ફરું ખુદને શરણ?
ક્યાં સુધી દેતો ફરું ખુદને શરણ?
સ્વપ્ન થઈને કોણ આંખોમાં વસે!
આ ચડી આવે સતત કોનું સ્મરણ?
આ ચડી આવે સતત કોનું સ્મરણ?
આંખ - આંસુ - આહ - અંતર્વેદના,
કોઈ તો સમજો વિરહનું વ્યાકરણ!
કોઈ તો સમજો વિરહનું વ્યાકરણ!
એ હૃદયથી ઊતરે કાગળ સુધી;
છે ગઝલ તો લાગણીનું અવતરણ।
છે ગઝલ તો લાગણીનું અવતરણ।
: હિમલ પંડ્યા
No comments:
Post a Comment