હકીકતમાં જીવન સબડયા કરે છે,
અને તો ય શમણાઓ ઘડ્યા કરે છે;
અને તો ય શમણાઓ ઘડ્યા કરે છે;
ન મળતું કશું યે અહી માંગવાથી,
નથી શોધતા એ જ જડ્યા કરે છે;
નથી શોધતા એ જ જડ્યા કરે છે;
નથી કાઈ મારું-તમારું છતાં યે,
ઇચ્છા તણું કૈક નડ્યા કરે છે;
ઇચ્છા તણું કૈક નડ્યા કરે છે;
બધા અશ્વ હાંફી ગયા લાગણીના,
છતાં પ્રેમ-ગાડું ગબડ્યા કરે છે!
છતાં પ્રેમ-ગાડું ગબડ્યા કરે છે!
હશે ભીતરે નક્કી ગમનો ખજાનો,
જુઓ, આંખથી મોતી દડ્યા કરે છે;
જુઓ, આંખથી મોતી દડ્યા કરે છે;
કહ્યો કોઈએ જ્યારથી સારો શાયર;
ગઝલ પર ગઝલ એ ઢસડયા કરે છે.
ગઝલ પર ગઝલ એ ઢસડયા કરે છે.
: હિમલ પંડ્યા
No comments:
Post a Comment